Shymkent qalasynda 16 jasqa deıingiler arasynda Azııa – Tynyq muhıt aımaǵy boıynsha Billie Jean King Cup álem chempıonatynyń irikteý týrnıri bastaldy, dep habarlaıdy Egemen.kz Qazaqstan tennıs federasııasynyń baspasóz qyzmetine silteme jasap.
Jarystyń alǵashqy kúni Qazaqstan qyzdar komandasy V tobynda Vetnam quramasyn 3:0 esebimen utty.
Birinshi oıynda Arıana Gogýlına Ngýendi 6:1, 6:0 esebimen tize búktirdi. Polına Slepsova Ngony 6:1, 6:3 esebimen utty. Juptyq synda A.Gogýlına Anastasııa Krymovamen birge apaly-sińlili Ngolardan 6:3, 6:0 esebimen basym tústi.
Osylaısha, Iаroslava Shvedovanyń shákirtteri óz tobynda kósh bastady. Erteń qazaqstandyq qyzdar Iran quramasymen oınaıdy.