Astanada dindar áıelder arasynda aqparattyq-túsindirý jumystary boıynsha semınar ótti, dep habarlaıdy Egemen.kz.
Aqparat jáne qoǵamdyq damý mınıstrligi Din isteri komıtetiniń arnaıy jobasy aıasynda bıylǵy jyldyń 24-28 sáýirinde Astana qalasynda áıelder arasynda din máseleleri jónindegi respýblıkalyq aqparattyq-túsindirý tobynyń (RATT) mamandary qazaqstandyq qoǵamnyń rýhanı-adamgershilik, ulttyq dástúrler men mádenıetti nyǵaıtýǵa baǵyttalǵan aqparattyq-túsindirý jumystaryn uıymdastyrdy. Sonymen qatar dindar áıelder arasynda dinı estremızmniń taralýyn aldyn alýǵa baǵyttylǵan ártúrli formattaǵy is-sharalardy uıymdastyrý sheńberinde stýdentter, áıel jamaǵaty, qyzmetker, psıhologtarmen birqatar is-shara men kezdesý ótti.
Atalǵan kezdesýlerge RATT múshelerinen (teologtar, dintanýshylar) – T.Z.Qojahmetova, R.A.Talıpbekova, R.Soltan, J.A.Sadyqova, Z.B.Malǵaraeva qatysty.
RATT músheleriniń qatysýymen L.N. Gýmılev atyndaǵy EUÝ, S.Seıfýllın atyndaǵy QazATÝ, «Shabyt» QazUО́Ý jáne Respýblıkalyq Medısına Akademııasynyń medısınalyq kolledji, Z.Ǵ.Myrzaǵulova atyndaǵy «Danalyq» Joǵary medısınalyq kolledji, Shıpager medısınalyq kolledji jáne Eýrazııa gýmanıtarlyq ınstıtýtynyń Joǵary kolledjiniń stýdentterimen, Áziret Sultan, Ál-Farabı, Sádýaqas Ǵylmanı, Áljan Ana meshitteri jáne Respýblıkalyq Bas meshitiniń áıel jamaǵatymen, «Oqýshylar saraıy» orta oqý oryndarynda psıhologtarmen, QR Ulttyq akademııalyq kitaphanasynyń qyzmetkerlerimen, Dinderdi zertteý ortalyǵynda «Jýsan» operasııasy aıasynda elge oralǵan áıeldermen kezdesý is-sharalary uıymdastyryldy.
О́tkizilgen is-sharalarda din salasyndaǵy memlekettik saıasattyń negizgi erejeleri men memleket damýynyń zaıyrlylyq prınsıpteri týraly, sondaı-aq destrýktıvti jalǵan dinı jáne radıkaldy ıdeıalardyń zııandylyǵyna baǵyttalǵan din salasyndaǵy memlekettik saıasattyń máni týraly aqparattar berildi.
Sarapshylar dinniń rýhanı-adamgershilik quramdas bóligi máselelerine, qazirgi qoǵamdaǵy áıelderdiń róli men áleýmettik mártebesin, sondaı-aq jastar men áıelder arasynda dinı saýattylyqty arttyrýǵa, destrýktıvti dinı aǵymdardyń áserine qarsy turý sharalaryna erekshe nazar aýdardy.
Jıyn sońynda RATT músheleri tyńdaýshylardyń suraqtaryna jaýap berdi.