«Qazgıdromet» mamyrda qurǵaqshylyq bolýy múmkin óńirlerdi atady, dep habarlaıdy Egemen.kz.
Sınoptıkterdiń boljamynsha, mamyrda astyq egiletin óńirlerde ylǵaldaný jaǵdaıy normaǵa jaqyn bolady.
«Qostanaı oblysynyń Qarasý aýdanynda, Aqmola oblysynyń Aqkól, Atbasar jáne Astrahan aýdandarynda, Shyǵys Qazaqstan oblysynyń Kúrshim, Glýbokoe, Zyrıan, Ulan, Katonqaraǵaı aýdandarynda jáne О́skemen qalasynda, sondaı-aq Almaty oblysynyń Talǵar aýdanynda ońtaıly ylǵaldaný jaǵdaıy boljanady», delingen habarlamada.
Bul rette Qyzylorda oblysynyń Aral jáne Qazaly aýdandarynda qurǵaqshylyq kútiledi. Munda mamyrda aýa temperatýrasy joǵarylap, jaýyn-shashyn jaýmaýy múmkin.