Kentaýda jelmen ushqan mektep shatyrynyń bóligi muǵalimniń basyna tústi, ol aýrýhanada jatyr, dep habarlaıdy Egemen.kz QazAqparatqa silteme jasap.
Qatty jelden Kentaý qalasyndaǵy mektep pen kolledjdiń jáne turǵyn úılerdiń shatyry ushyp, halyq ábigerge tústi.
Keshe qala ortalyǵynda ornalasqan Y. Altynsarın atyndaǵy №1 mekteptiń de shatyry qulap, aýlada ketip bara jatqan ustazdyń basyna túsken bolatyn. Birden aýrýhanaǵa jetkizilgen pedagogke alǵashqy dárigerlik kómek kórsetildi.
«Qazir naýqastyń jaǵdaıy ortasha. Basyndaǵy samaı bóligindegi jaraqat tigildi. Ol travmatologııa bóliminde em alyp jatyr», dedi Kentaý qalalyq ortalyq aýrýhanasynyń bas dárigeri Asylbek Ýtebaev.