Dımash Qudaıbergen aýa raıynyń nasharlaýyna baılanysty Antalıadaǵy konsertiniń ótetin ornyn aýystyrdy, dep habarlaıdy Egemen.kz.
«Qurmetti dostar! 6 mamyrda Antalıada daýyl bolatyny eskertildi. Osyǵan baılanysty «Stranger» konsertiniń Aqdenız ashyq stadıonynan Antalya EXPO 2016 aýmaǵynda ornalasqan Antalya EXPO Kongre Merkezi jabyq alańyna aýystyrylǵanyn habarlaımyz», delingen ánshiniń paraqshasynda jarııalanǵan habarlandyrýda.
Sondaı-aq barlyq kórermenge saǵat 16:00-20:00 aralyǵynda Aqdenız stadıonynan jańa alańǵa deıin jáne keri baǵytta tegin transfer uıymdastyrylatyny aıtylǵan. Keri qaıtýshylarǵa ýaqyt shekteýi joq. Konsert zalyna óz betimen jetýge de bolady.