Tennısten Qazaqstannyń 16 jasqa deıin jasóspirim qyzdar quramasy alǵash ret álem chempıonatynyń fınaldyq kezeńine joldama jeńip aldy.
Shymkentte ótip jatqan tennısten Bıllı Djın Kıng kýbogi aıasyndaǵy Azııa/Tynyq muhıty aımaǵy boıynsha irikteý kezeńiniń jartylaı fınalynda elimizdiń quramasy osy týrnırdiń bes dúrkin jeńimpazy – Aýstralııa quramasyn tize búktirip, el tennısi tarıhynda tuńǵysh ret jasóspirim qyzdar arasyndaǵy álem chempıonatynyń negizgi kezeńine joldama aldy.
Jartylaı fınaldyń alǵashqy matchynda Qazaqstan quramasy sapynan Arıana Gogýlına óner kórsetip, jerlesterimizdi esepte alǵa shyǵardy. Ol 3 saǵatqa jalǵasqan tartysty oıynda 7:5 3:6, 7:5 esebimen jeńiske jetti. Al ekinshi oıynda kortqa shyqqan Polına Slepsova qarsylasyn 7:5, 6:4 esebimen tize búktirip, tarıhı jeńiske qol jetkizdi. Iаroslava Shvedova shákirtteri búgin irikteý jarysynyń fınalynda Japonııa nemese Ońtústik Koreıa komandasymen bas júldeni sarapqa salady.