7 mamyr - Qazaqstan Respýblıkasynyń Otan qorǵaýshylar kúni, dep habarlaıdy Egemen.kz.
Qazaqstan táýelsizdik alǵan jyldan bastap el kúntizbesinde jańa memlekettik merekeler paıda boldy. Solardyń biri el aýmaǵy men onyń turǵyndarynyń qaýipsizdigin qamtamasyz etetin áskerı kúshterdiń – Otan qorǵaýshylardyń kásibı merekesi.
Otan qorǵaýshylar kúni - «Qazaqstan Respýblıkasynyń merekeler týraly»Zańynda kórsetilgen toǵyz resmı merekeniń qataryna kiretin memlekettik mereke. Bul kúni 1992 jyly Qazaqstan Prezıdenti «Qazaqstan Respýblıkasynyń Qarýly Kúshterin qurý týraly» Jarlyqqa qol qoıdy. Búginde QR Otan qorǵaýshylar kúni - memlekettik mereke jáne kúntizbede resmı túrde demalys kúni retinde belgilengen. Sondaı-aq merekeniń resmı mártebesi Qazaqstan Respýblıkasynyń tıisti Zańynda bekitilgen.
Qazaqstandyq áskerı qyzmetshilerge qatysty birer kún buryn belgili bolǵan jaǵymdy jańalyq, keler jyldan bastap áskerı ataq úshin tólenetin jalaqy 30 paıyz ósedi.
Sondaı-aq, jyl saıynǵy dástúrge saı Memleket basshysy bıyl da birqatar áskerı qyzmetshini marapattady.
Aıta ketsek, Qorǵanys mınıstrligi 7 mamyr Otan qorǵaýshylar kúni jáne 9 mamyr Jeńis kúnine oraı áskerı sherýdiń ótpeıtinin habarlaǵan edi. Oǵan sebep – bıýdjet qarajatyn únemdeý. Degenmen, vedomstvodan atalǵan meıramǵa oraı, áskerı-patrıottyq is-sharalardyń josparlanǵany málim etildi.
Eske salaıyq, 5 mamyrda Memleket basshysy Qasym-Jomart Toqaevtyń qatysýymen búkilarmııalyq keńestiń otyrysy ótti.