Tennısten áıelder arasyndaǵy elimizdiń birinshi raketkasy, 2022 jylǵy Ýımbldon jarysynyń jeńimpazy Elena Rybakına álemdik reıtıngtegi óz rekordyn jaratyp, resmı túrde jahannyń altynshy raketkasy atandy.
Ispanııanyń bas shahary – Madrıdte máresine jetken «Masters» týrnırinen keıin halyqaralyq Áıelder tennısi qaýymdastyǵy (WTA) tennısshilerdiń jańartylǵan reıtıngin jarııa etti. Jańa reıtıngke sáıkes Madrıd dodasynda ekinshi aınalymǵa deıin jetken Elena Rybakına jetinshi orynnan altynshy satyǵa kóterilip, Qazaqstan tennısi tarıhyndaǵy jańa rekordty ornatty. Iаǵnı búginge deıin el tennısshileriniń birde-biri jekeleı synda mundaı nátıjege qol jetkizip kórgen emes.
Al ulttyq quramanyń ózge ókilderine keler bolsaq, Iýlııa Pýtınseva reıtıngtegi ornyn saqtap qaldy. Qazirgi tańda ol álemdik reıtıngte 51-orynǵa jaıǵasqan. Elena Rybakına búgin Italııanyń Rım qalasynda jalaýy jelbireıtin «Masters» týrnırine qatysady. Otandasymyz jarysty ekinshi aınalymnan bastaıdy.