Májilis tóraǵasy Erlan Qoshanov Álııa Moldaǵulovanyń eskertkishine gúl shoǵyn qoıyp, rýhyna taǵzym etti, dep habarlaıdy Egemen.kz.
Is-sharada Palata Spıkeri, Parlamenttegi saıası partııalar fraksııalarynyń basshylary men qala turǵyndary soǵys dalasynda qaza tapqan jaýyngerlerdi bir mınýt únsizdikpen eske aldy.
Aıta ketý kerek, soǵys jyldary Qazaqstannan maıdanǵa 1,2 mıllıonnan astam adam attandy, olardyń jartysy elge oralǵan joq. Kóptegen qazaqstandyq soǵysta kórsetken erligi úshin eń joǵary jaýyngerlik nagradalarmen marapattaldy.
Solardyń biri – qazaq halqynyń dańqty qyzy, mergen Álııa Moldaǵulova. Ol qaıtys bolǵannan keıin Keńes Odaǵynyń batyry ataǵyna ıe boldy.