Semeı qalasyndaǵy mektepterdiń birinde oqıtyn 9-synyp oqýshysy Nurlyhan Maratov medısına qyzmetkerlerine arnalǵan QEFO.KZ qosymshasyn ázirlep, onyń qalaı jumys isteıtinin túsindirdi, dep habarlaıdy Egemen.kz Oqý-aǵartý mınıstrligine silteme jasap.
QEFO - adam ómiri úshin paıdaly ári tıimdi zamanaýı qural. Onyń ornynda kýlon, saǵat baýy nemese brelok bolýy múmkin. Eń bastysy, munda kez-kelgen smartfonnyń kamerasy arqyly oqýǵa jáne adam týraly aqparatty bilýge bolatyn shaǵyn QR-kod sýretiniń bolýy shart.
«Mundaı málimetter jıyntyǵy MEDICAL ID (medısınalyq ID) dep atalady. Máselen, Medısınalyq ID IPhon-da bar jáne smartfon buǵattaýly bolǵan jaǵdaıda da, oǵan qoljetimdilik shektelmeıdi, ol arqyly medısınalyq qyzmetkerler naýqas týraly qajetti aqparatty 5 sekýnd ishinde ala alady», deıdi Nurlyhan.
Egde jastaǵy adamdar men sozylmaly aýrýlary bar naýqastar medısınalyq ıdentıfıkatorlardyń qajet ekenin dáleldeıdi. Búginde dáriger qyzmetine júgingen kez-kelgen adamnyń densaýlyǵy týraly tolyq aqparat alý úshin zamanaýı «devaıstar» medısına salasynda keńinen qoldanylyp keledi.
«Mundaı aksessýarlar qoǵam úshin óte paıdaly. Máselen, tótenshe jaǵdaılarda ómir úshin asa mańyzdy mınýttar jeke tulǵany anyqtaý úshin zaıa jumsalmaıdy. Bilezik elektrondy emes, ol qarapaıym ǵana. Olarda 5G antennalary men chıpter joq. Bilezik qoldanýshysyn mıkrotolqyndarmen sáýlelendirmeıdi jáne demensııa qaýpin týdyrmaıdy. Bul jáı ǵana gıpoallergendi sılıkon jáne QR kody beınelengen neılon. Mundaı aksessýarlar adam densaýlyǵy úshin qaýipsiz. О́z ıdeıamdy júzege asyrý úshin saıt qurastyratyn tilda-da saıt jasadym. Saıtta adam týraly jeke derekter saqtalady, sodan keıin QR-kodty ázirlep, oǵan saıttaǵy derekterdi engizdim», deıdi óz ónertabysymen bólisken oqýshy.
Aıta ketsek, Nurlyhan «QEFO.KZ» baılanyssyz medısınalyq kartalar» jobasyn mamyr aıynda ótetin festıval barysynda tanystyrady.