Maıdangerlerdi eske aldy

Is-sharaǵa Aqtóbe oblysynyń ákimi Eraly Toǵjanov, Parlament jáne oblystyq máslıhat depýtattary, memlekettik organdardyń ókilderi, óńir turǵyndary men qonaqtary qatysty. Oblys ákimi Jeńis kúni tarıhı eskertkishterdiń mańyna jınalyp, maıdangerler men tyl eńbekkerlerin eske alýǵa qatysqan, rýhtaryna taǵzym etken barsha aqtóbelikterge alǵysyn bildirdi.

1941-1945 jyldardaǵy keńes-german soǵysyna Aqtóbe oblysy­nan 122 myń adam áskerge shaqy­rylyp, olardyń 36 myńnan astamy maıdan dalasynan qaıtpady, 30 myńnan astamy iz-túzsiz joǵa­lyp ketkender sanatynda. Surapyl qan maıdanda er­lik kórsetken 35 aqtó­belik Keńes Oda­ǵynyń Baty­ry atansa, 9-y «Dańq» ordeni­men marapattaldy.

Búginde Aqtóbe oblysynda úsh maıdanger ǵana qaldy. Olar­dyń biri – 103 jastaǵy Satylǵan Bekmaǵambetov. Ol 101-atqysh­tar brıgadasynyń quramynda Rjev, Orel, Belgorod, Kýrs shaıqas­taryna qatysyp, elge 1945 jyly oralǵan. Birneshe ret jaralanyp, gospıtalda jatyp emdelgennen keıin qaıtadan maıdan dalasyna jiberilgen. Soǵystan keıin Qobda aýdany Jırenqopa aýylynda mal dárigeri bolyp jumys istegen aqsaqal – búginde jeti balasynan nemere-shóbere súıip otyrǵan baqytty jan. О́ńir basshysy Hromtaý qalasynda turatyn 99 jastaǵy maıdanger Vasılıı Greskııdi de arnaıy baryp quttyqtady. Júrip-turýy qıyndaǵan aqsaqal Jeńis kúni úıiniń aýlasynda úlken konsert ótkizilse degen tilek aıtqan eken. Vasılıı aqsaqal maıdan ánderi shyrqalǵan úlken konsertti kórip, máz-meıram boldy.

Aıta ketý kerek, Aqtóbede ja­saq­­talǵan 101-atqyshtar brıgada­sy men Almatyda jasaqtalǵan 100-derbes atqyshtar brıgadasy 1942 jyl­­dyń 25 qarashasynda Rjev – Zýb­sov – Sychevka – Gjatsk – Vıaz­­ma – Belyı – Olenın aýma­ǵynda ót­ken «Mars» operasııasy­na qatys­qan. Eki brıgada Olenın aýdanyn­da shaıqasty. 17 aıdan keıin Rjev plas­­­darmy azat etilgende qos brı­­­­ga­danyń 10 myńnan astam ­ja­ýyn­­­gerinen tek 1030-y ǵana tiri shyq­qan.

Aqtóbe oblysy