Kúı tarıhy qyzyq qoı. Tyńdaǵanymyz bolmasa, shyǵý tarıhy men mánin asa bile bermeımiz.
Qazaq qýanyshy men qaıǵysyn dombyranyń únimen jetkizgen. Tipti qaza kórgen júrekke sózben emes kúımen kóńil aıtqan. Sondaı kúıdiń biri Qojeke kúıshiniń «Qos kelinshegi».
Qazaqtyń dalasy sekildi kóńili de keń ǵoı, shirkin! Kóshpendi saltymyzda jolaýshy jolyndaǵy úıge toqtap, túse beretin. Qojeke kúıshi de Jetisýdan qonys aýdaryp kele jatqanda bir qarasha úıge toqtaıdy. Jón surasa kelip, qara jamylyp otyrǵan úı ekenin biledi. Eki áıel jesir qalǵan. Sodan keıin kúıshi birden dombyrasyn alyp, kúı sherte bastaıdy. Artynan kúıdiń mánin suraǵanda «myna qaraly bolyp otyrǵan qos kelinshekke aıtylǵan kóńil, jubatý», deıdi. Kúı solaı «Qos kelinshek» atalǵan eken.