WBO boıynsha álem chempıony Jánibek Álimhanuly 14 mamyrda ótetin jekpe-jek aldynda suraqtarǵa jaýap berdi, dep habarlaıdy Egemen.kz.
Erjesiz jekpe-jek sheberi ózine qoıylǵan suraqtarǵa qazaqsha jaýap berdi. Ol Stıven Batler ekeýiniń arasyndaǵy jekpe-jek eń jeńil jekpe-jek bolatynyn aıtty.
«Men ony boksshy retinde syılaımyn. Degenmen nokaýt turmaq, maǵan soqqy tıgizý qıyn bolady oǵan», dedi ol.
Artynsha Jánibek Álimhanuly áleýmettik jeli paraqshasynda jazba qaldyrdy.
«Mende bári qazaqsha. Meniń tilimdi, meniń únimdi álem estisin! Men eli úshin janyn bergen batyrlardyń, ultynyń erteńine alańdaǵan Alashtyqtardyń urpaǵymyn. Allaǵa shúkir!
Men álem aldynda qazaqsha sóıleýden eshqashan qysylmaımyn. Meniń qanymda men uıalatyn nárse joq! Men qysylyp, qorqyp, jaltaqtap júretin quldyq sanada emespin! Sebebi men qazaqpyn, meniń ómir stılim QAZAQ STYLE!
Jeńisti kúnde júzdeseıik, Qazaq eli!», dep jazdy WBO boıynsha álem chempıony.