Qazaqstannyń tuńǵysh mýzeıi 1830 jyly 6 jeltoqsanda Orynbor qalasynda ashylǵan, dep habarlaıdy Egemen.kz.
HIH ǵasyrdyń 30-jyldary mýzeı isi qolǵa alynyp, graf Sýhtelenniń jarlyǵymen «Orynbor ólkesindegi Mýzeým» ashylǵan bolatyn. Onyń negizgi uıymdastyrýshylarynyń biri - «Uly orys tiliniń túsindirme sózdiginiń» avtory V.I.Dal. Al Tarıhı-ólketaný mýzeıiniń arhıtektory - G.Gopıýs.
Alǵashynda bul mýzeı Reseı qaramaǵynda bolǵan. Keıin Qazaq ASSR qurylǵannan keıin mýzeıdegi jádigerlerdiń 80 paıyzy qaıtarylyp, sol kezdegi astana Qyzylordaǵa kóshirilgen, keıin Almatyǵa aýysqan. Al 1944 jyly mýzeıge qazirgi Qazaqstannyń Memlekettik Ortalyq mýzeıi ataýy berilgen. Mýzeıdiń qazirgi ǵımaraty 1985 jyly Iý.Ratýshnyı, Z.Mustafına jáne B.Rzaǵalıevtardyń jobalary boıynsha salynǵan. Mýzeıdiń jalpy aýdany 20 myń sharshy metrdi quraıdy.
A.Baıtursynov, Á.Jırenshın, Ǵ.Mustafın, K.Badyrov, Á.Marǵulan jáne mýzeıdi ár jyldary basqarǵan azamattar mýzeı qoryn jınaqtap, tolyqtyrý jumystaryn iske asyrýǵa zor úles qosqan.