Aqparat jáne qoǵamdyq damý mınıstri Darhan Qydyráli Mańǵystaý oblysyna sapary barysynda jergilikti ımamdarmen kezdesti, dep habarlaıdy Egemen.kz Aqparat jáne qoǵamdyq damý mınıstrliginiń baspasóz qyzmetine silteme jasap.
«О́zderińizge belgili, táýelsizdik alǵannan beri, elimizde dástúrli ıslamnyń, jalpy dinniń róli aıtarlyqtaı ósti. Azamattardyń, ásirese jastardyń dinge betburysy, qoǵamdaǵy belsendiligi artyp keledi. Osy tusta bizderge dinı baǵyttaǵy damý jolymyzdy saralap, zamanaýı talaptarǵa saı túletý qajet. Sanamyzda ornyqqan, saltymyzǵa aınalǵan ata dinimiz birkelkiligimen, tózimdiligimen jáne dástúrimizben astasyp, tanymymyzǵa sińip, ómir saltymyzǵa aınalǵan», dedi mınıstr.
Sondaı-aq qatysýshylar destrýktıvti aǵymdarmen kúres, dinı kadrlardy daıarlaý jáne qoǵamdaǵy toleranttylyqty saqtaý máseleleri jóninde oı-pikirlerin ortaǵa saldy.