Qaraǵandy oblysyndaǵy «Spassk» oqý ortalyǵynda Arnaıy maqsattaǵy bólimsheleri mergender jubynyń «Altyn úki – 2014» halyqaralyq jarysy bastaldy. Qazaqstanda jyl saıyn ótkiziletin bul sharaǵa bıyl Reseı, Ulybrıtanııa, Iordanııa, Qytaı, Pákistan jáne AQSh Qarýly Kúshteriniń mergender juby qatysyp otyr.
«Altyn úki – 2014» halyqaralyq jarysyn ashqan general-maıor Oleg Bıjanov: «árbir qatysýshynyń óz qupııalary men atys ádisteri bar. Sondaı-aq, bıylǵy jarystar barysynda «osynda besinshi ret ótkizilip otyrǵan mergender óneriniń Ortaazııalyq forýmynda barlyq qatysýshylardyń óz sheberlikterin arttyrýǵa múmkindik beretin tájirıbe almasý boıynsha úlken jumystar atqaryldy», – dep atap ótti.
Spasskide ótetin mergender jubynyń jarysynda 38 úzdik mergen óz sheberlikterin pash etetin bolady. Jarys 4 kezeńnen turady. Árbir barlaýshyǵa dene jáne atys daıyndyqtary deńgeıin synaıtyn 16 jattyǵýdy oryndaýǵa týra keledi.
«Egemen-aqparat».