Ǵylym jáne joǵary bilim mınıstrligi joǵary oqý oryndarynyń baǵdarlamasyna «Kásibı qazaq tili» pánin engizýdi josparlap otyr. Ol bilim alý tiline qaramastan, stýdentterdiń bárine ortaq mindetti pán bolady. Bul týraly QR Premer-mınıstriniń orynbasary Altaı Kólginovtiń májilis depýtattarynyń saýalyna bergen jaýabynan belgili boldy, dep habarlaıdy Egemen.kz.
Eske salaıyq, Amanat, Aq jol partııalarynyń jáne bir mandatty okrýgten saılanǵan birqatar depýtattar Májilis minberinde memlekettik til máselesin kóterip, termınologııany birizdendirý qajettigin aıtqan edi.
Soǵan oraı, Altaı Kólginovtiń jaýabynan Ǵylym jáne joǵary bilim mınıstrligi mindetti sıpattaǵy normatıvtik termınologııalyq sózdikterdi shyǵarý máselesin pysyqtap jatqany belgili boldy.
Bul sózdikter jospar boıynsha 2026-2027 jyldary daıyn bolmaq. Olar atalǵan mınıstrlik janyndaǵy respýblıkalyq termınologııa komıssııasy bekitken termınder negizinde ázirlenedi.