Aqparat jáne qoǵamdyq damý mınıstrligi Din isteri komıtetiniń arnaıy jobasy aıasynda 15-19 mamyr aralyǵynda Shymkentte din máseleleri jónindegi respýblıkalyq aqparattyq-túsindirý tobynyń (RATT) mamandary qala turǵyndarymen birqatar kezdesý ótkizdi, dep habarlaıdy Egemen.kz.
Atalǵan kezdesýlerge RATT múshelerinen (teologtar, dintanýshylar) D.Q.Ospanov, Q.S.Anarbaev, Sh.A.Ádilbaeva, F.T. Taıtelıev tartyldy.
RATT músheleri QAJD №53 túzeý mekemesindegi jazasyn óteýshilermen, «Saıram» mádenıet úıinde ózge etnos ókilderimen, «Petro Kazahstan Oıl Prodakts» kásiporyn jumysshylarymen, qalalyq «Ordabasy», «Ál-Bilál» meshitteri jamaǵattarymen, «Aına», «Alash» bazarlaryndaǵy saýdagerlermen, «Royal» fıtnes-klýby jattyqtyrýshylary jáne sportshylarymen, «Intellect», «Nızamhan» mektep oqýshylarynyń ata-analary jáne muǵalimderimen, «Qandastar» ortalyǵyndaǵy qandastarmen, qalalyq polısııa departamentiniń polısııa qyzmetkerlerimen, qoǵamdyq tasymal jáne taksı kompanııalarynyń basshylary, júrgizýshilerimen semınarlar jáne kezdesýler ótkizdi.
О́tkizilgen is-sharalarda qala turǵyndaryna Qazaqstan halqynyń mádenıeti men rýhanı murasyna, destrýktıvti jalǵan dinı jáne radıkaldy ıdeıalardyń zııandylyǵyna baǵyttalǵan din salasyndaǵy memlekettik saıasattyń máni týraly aqparattar berildi.
Tyńdaýshylar RATT múshelerine suraqtaryn qoıyp, tushymdy jaýap aldy.