Elordanyń 25 jyldyǵyna oraı Astana týraly úzdik ánderge «El júregi – Astana» atty baıqaý uıymdastyrylady, dep habarlaıdy Egemen.kz.
Baıqaýǵa qatysýǵa barlyq qazaqstandyq sazgerler shaqyrylady. Baıqaýdy Astana qalasynyń Ishki saıasat basqarmasynyń qoldaýymen «Elorda Aqparat» medıaseriktestigi (Qazaqstan kompozıtorlar odaǵymen birlese) uıymdastyrady.
Konkýrsqa Astana týraly memlekettik jáne orys tilinde jaryqqa shyqqan ánder qabyldanady.
Úzdik ánderdi belgili sazgerlerden jáne elordadaǵy osy salanyń qurmetti ókilderinen quralǵan konkýrstyq komıssııa aıqyndaıdy.
Aıta ketsek, eń úzdik jumystar Astananyń 25 jyldyǵyna arnalǵan án jınaǵyna enedi.
Sondaı-aq baıqaý qorytyndysymen elordada «El júregi – Astana» atty gala-konsert uıymdastyrylyp, ozyq shyqqan úzdik ánder sahna tórinde shyrqalady.
О́tinimder 2023 jyldyń 10 maýsymyna deıin elordainfo23@gmail.com elektrondyq poshtasy arqyly qabyldanady.
Konkýrstyń maqsaty men mindetteri:
• Astana qalasyn ánge qosý arqyly el ishinde keńinen nasıhattaý; • Elorda týraly jańa mýzykalyq shyǵarmalardyń jazylýyna jol ashý; • О́ner týyndylary arqyly qazaqstandyq patrıotızm men ulttyq mádenıetke degen súıispenshilikti qalyptastyrý; • Otandyq avtorlardy qoldaý; • Elge, Astanaǵa patrıottyq kózqarastar qalyptastyratyn mádenı ónimder jasaý. Konkýrsqa qatysý úshin qatysýshylar mynadaı qujattar men materıaldardy qosymsha bere otyryp, ótinim joldaıdy:1) PDF formatynda jeke tulǵany kýálandyratyn qujattyń kóshirmesi;
2) shyǵarmashylyq ómirbaıany;
Sondaı-aq qatysýshy týyndy boıynsha ótinimge qosymsha mynadaı qujattardy usynady:
• týyndynyń MR3 formatyndaǵy aýdıojazbasy; • partıtýra jáne klavır («Finale» nemese «Sibelius» notalyq redaktorlar nemese JPEG nemese PDF formatyndaǵy basqa notalyq redaktorlar formatynda).Uıymdastyrý komıtetiniń baılanys nómiri: 8 (778) 143 06 11,
8 778 155 61 11 (whatsapp)