«Samokat» sóziniń qazaqsha aýdarmasy termincom.kz biryńǵaı respýblıkalyq termınologııalyq elektrondy bazasynda «belesepet» dep tirkelgen, dep habarlaıdy Egemen.kz.
Bul sózdiń qazaqsha balamasy kóp. Mysaly, elektrli samokat, syrǵýysh, toq syrǵýyshy, tipti keı jerde skýter dep te aıtyla beredi eken. Alaıda, bul qanshalyqty sátti aýdarma?
Aldymen samokat sóziniń maǵynasyna toqtala keteıik. «Samokat» sózi orys tilinen aýdarǵanda «ózi syrǵanaıtyn; ózdiginen syrǵanaıtyn» degen maǵynany bildiredi. Samokat - aıaqty ornynan turyp ıterý arqyly qozǵalatyn qozǵalys quraly. Ol tek jeke kólik retinde ǵana emes, sonymen qatar oıynshyq túri, sport jáne dene shynyqtyrý quraly retinde de qoldanylady.
Sondaı-aq aǵylshyn tilinde samokat sózi scooter (skýter) degen qoldanysqa ıe. Sońǵy kezderi bul sózdi qazaq grammatıkasynda da jıi kezdestiretin boldyq.
Al qazaq tilinde bul sózdi termincom.kz biryńǵaı respýblıkalyq termınologııalyq elektrondy bazasy «belesepet» dep aýdarǵan eken. Bul qanshalyqty durys?