Dımash Qudaıbergen óziniń týǵan kúninde barsha jankúıerine arnap «О́mir» atty jańa kompozısııasyn usyndy. Beınebaıanda oryndaýshynyń bala kezinen bastap, búginde búkil álemge tanylyp júrgen ónerpaz atanǵanǵa deıingi ómiri men shyǵarmashylyq joly baıandalady, dep habarlaıdy Egemen.kz.
«О́mir» áni – Dımash Qudaıbergenniń tereń de áserli kompozıtorlyq týyndysy. Onda ártis ózimen ishteı monolog júrgizip, ómirdi bir-birden suryptap, ishki jan dúnıesi týraly syr aqtarady.
«Beınebaıandy kórgende kórermen proektory bar kishkentaı qarańǵy bólmege kóshedi. Onda Dımashtyń ómirdegi eń jarqyn sátterin tamashalaýǵa bolady: alańsyz balalyq shaq, mýzyka baıqaýlary, «I am Singer» baıqaýyndaǵy jeńisi, onyń súıikti Dears-i, bedeldi tulǵalarmen tanysý jáne umytylmas konsertteri… Osy kadrlardyń barlyǵyna qarap, Dımash ár sátti qaıta bastan ótkergendeı», dep jazady Dimashnews.com saıty.- «О́mirdiń» – áýeni de, sózi de meniń ishki dúnıemnen alǵash shyqqan týyndy, týǵan kúnime arnalǵan shyǵarma. Meni sý betindegi alapat tolqynǵa, yzǵarly daýylǵa qarsy turýǵa shaqyrǵan barsha tyńdarmanyma arnaımyn. Bul týyndy meniń ómirim týraly, - dedi Dımash jańa beınebaıany jaıly.