Inflıasııa tómendeı me?

«Reseıde jyldyq ınflıasııa sáýir­de 1,56 paıyzǵa deıin baıaýla­dy (naýryzdaǵy 3,51 paıyzben salys­tyrǵanda). Atalǵan eldegi ınflıa­sııanyń kúrt tómendeýi Qa­zaq­standaǵy ınflıasııanyń baıaýlaýy úshin jaǵymdy faktor bolyp esepteledi. BUU azyq-túlik já­ne aýyl sharýashylyq uıymy (FAO) ındeksiniń ortasha máni sáýir­­de ulǵaıyp, 127,2 pýnkt boldy. Naý­ryzdaǵy kórsetkishten 0,6 paıyz­ǵa joǵary. Bul jyldyq tómen­deýden keıingi azyq-túlik taýarlary baǵasynyń alǵashqy ósýi. FAO azyq-túlik baǵasy ındeksiniń aıtarlyqtaı ósýiniń mańyzdy faktory – qant baǵasynyń qymbattaýy boldy. Astyq, sút ónimderi baǵalarynyń ındeksi tómendeýdi jalǵastyrdy. FAO ındeksiniń bulaı joǵarylaýy álemdegi dezınflıasııalyq úderistiń turaqsyzdyǵynan habar beredi», dep málimdeıdi ortalyq kezekti sholýynda.

Olardyń aıtýynsha, eýroaımaqta­ǵy jyldyq ınflıasııa sáýirde 7 paıyz­ǵa deıin artty. Bul – bes aı­lyq tómendeýden keıingi alǵashqy ósim. Qa­zaqstannyń mańyzdy saýda se­riktesi – EO-daǵy ınflıasııa ósimi – álemniń aldyńǵy qatarly ekono­mıkasyndaǵy tómendeýdiń ornyq­syzdyǵyn baıqatady.

«Qytaı ekonomıkasynyń ashylýy munaıǵa degen joǵarǵy suranys úmitin aqtamady. Qazir «qara altyn» baǵasy barreline 75 dollardyń mańaıynda saýdalanýda. OPEK+ elderiniń munaı óndirisin erikti túrde tómendetýi, sonyń ishinde óndiristiń Qazaqstanda táýligine 78 myń barrelge qysqarýy munaı baǵasy ósimine uzaq merzimdi effekt bere almady. Atalǵan faktor ulttyq valıýta baǵamyna qysym jasaı otyra proınflıasııalyq faktorǵa aınalýy ábden múmkin. Qazaqstanda jyldyq ınflıasııa naýryz-sáýirde tómendeýdi jalǵastyrdy. Alaıda syrtqy jáne ishki faktorlar dınamıkasy atalǵan dezınflıasııalyq úrdistiń turaqty emes ekenin baıqatyp otyr. Kóp jaǵdaıda Qazaqstandaǵy jyldyq ınflıasııanyń tómendeýi joǵary bazalyq áserge baılanysty, al aı saıynǵy ınflıasııa joǵary qarqynmen ósýin jalǵastyrýda», delinedi sholýda.

Qarjy mınıstri Erulan Jamaý­baevtyń aıtýynsha, Qazaqstan ınflıasııany eki ese tómendetý mejesin oryndaı alady.

«Bizde byltyr ınflıasııa 20 paıyzdan asyp ketti. Bıyl ol sıfrdy kem degende eki ese tómendetkimiz keledi. Ar­naıy  keshendi jospar ázirlep otyrmyz. Onda ishki naryqtaǵy otan­dyq taýarlardyń paıyzyn joǵary­latý kózdelgen. Osy jospardy oryndaý úshin tıisti bıýdjet qarajaty bólinedi. Sonymen qatar ınvestısııa da tartamyz. Qazir taýarlardy saqtaý jáne ta­sy­maldaý tetigin jaq­sartý josparlanyp jatyr. Kóp jaǵ­daı­da óndirýshiler óndirgen taýar­lar tutynýshyǵa tıisti sap­a­­da jet­peıtindikten bulaı isteýdiń qajettiligi joǵary bolyp tur», deıdi mınıstr.