Áskerıler otbasy – árdaıym nazarda

Sol sebepti de olardyń áleýmettik jaǵdaıyna qaraılasý, ásirese otbasy múshelerimen jumys istep, bala-shaǵasynyń el qatarly ósip-jeti­lýine jaǵdaı jasaý, otbasyndaǵy mo­ral­dyq-psıhologııalyq ahýaldy jaqsartý – mańyzdy mindet. Osy maqsatta elimizdiń Qorǵanys mınıs­trligi quramynda Qarýly kúshter áskerı qyzmetshileriniń otbasy múshe­lerimen jumysty uıymdastyrý bólimi jumys isteıdi. Bólim bastyǵy Táttigúl Smaǵulovanyń aıtýynsha, áskerı bólimge jańadan qyzmetke kelip jatqan áskerı qyzmetshiniń jańa jerge beıimdelýine, balalarynyń balabaqshaǵa, mektepke ornalasýyna kómektesý, aýrý-syrqaý balalary bolsa, olardy esepke alý, basqa da áleýmettik jaǵdaılaryna kómek berý, sony áskerı bólim komandırlerine, tárbıe jumysy boıynsha orynbasarlaryna jetkizý maqsatynda uıymdastyrylǵan bul bólimniń atqarar sharýasy san-salaly.

Sonyń bir baǵyty – áskerı qyz­met­shilerdiń balalarymen jumys. Jyldaǵy dástúr boıynsha 1 maýsym – Halyqaralyq balalardy qorǵaý kúni qarsańynda búldirshinder arasynda túrli baıqaý, kórme uıymdastyrý bıyl da belsendi qolǵa alynǵan. Atap aıtqanda, Qarýly kúshterdegi áskerı qyzmetshilerdiń 5-14 jas aralyǵyndaǵy balalary qatysqan «Otan otbasynan bastalady» degen taqyryptaǵy sýret baıqaýyn aıtýǵa bolady. Bıyl shyǵarmashylyq saıys «Qazaqstan – beıbitshilik mekeni», «Meniń ákem – Otan qorǵaýshy», «Batyrlar erligi máńgi esimde» degen úsh nomınasııa bo­ıynsha ótken.

– Baıqaýǵa elimizdiń barlyq aıma­ǵyndaǵy áskerı qyzmetshilerdiń balalary belsendi túrde qatysyp, ózderiniń qylqalamynan shyqqan týyndylaryn joldady. Arnaıy qurylǵan komıssııa jeńimpazdardy anyqtady. Olarǵa Qorǵanys mınıstriniń tárbıe jáne ıdeo­logııa jumystary jónindegi orynbasary, general-leıtenant Sultan Kama­letdınovtiń qoly qoıylǵan arnaıy dıplomdar daıyndaldy. Balalar­dy qorǵaý kúni qarsańynda jalpy sany 49 dıplom ıelerine joldandy, – deıdi Táttigúl Smaǵulova.

1 maýsym qarsańynda qolǵa alyn­ǵan taǵy bir is-shara – «Áskerı qyzmet­shiniń otbasyndaǵy baqytty sátter» taqyrybyndaǵy fotokollaj baıqaýy. Bundaǵy maqsat – áskerılerdiń otba­syndaǵy taspaǵa basylǵan aıryqsha, tartymdy sátterdi kópshilik nazaryna usyný. Bul baıqaýǵa da elimizdiń barlyq aýmaǵyndaǵy áskerı bólimderden ádemi fotokollajdar usynylǵan.

– Biz bul synǵa qatysqan balalarǵa arnaıy oryndar bergenimiz joq. О́ıtkeni bireý baqytty, ekinshisi odan baqyttyraq dep bólip-jara almaı­myz. Ár balanyń usynǵan foto­kol­lajy bir-birinen ótken tartym­dy. Sondyqtan osy is-sharaǵa qatys­qan barlyq úmit­kerdi sertıfıkatpen marapattaý týraly sheshim qabyldandy. Qorǵanys mı­nıs­trligi Tárbıe jáne ıdeologııalyq jumys departamentiniń basshysy, polkovnık T.Basqojaev qol qoıǵan sertıfıkattar ár balaǵa tabystalady, – deıdi Qarýly kúshter áskerı qyzmetshileriniń otbasy múshelerimen jumysty uıymdastyrý bóliminiń basshysy Táttigúl Smaǵulova.

Onyń aıtýynsha, Halyqaralyq bala­lardy qorǵaý kúni, ıaǵnı búgin elor­da­daǵy Ulttyq áskerı-patrıottyq ortalyqta áskerı qyzmetshilerdiń jáne olardyń balalarynyń qatysýymen birqatar is-shara ótpek. Atap aıtqanda, oıyndar, fleshmobtar, anımatorlardyń qatysýymen arnaıy sýret alańdary, balalar daıyndaǵan konsertter bolady. Sonymen qatar joǵaryda aıtyp ótken úsh nomınasııa boıynsha jeńimpaz atanǵan úzdik sýretter kórermen nazaryna qoıylmaq. Árbir elordalyq turǵyn balalar qolynan shyqqan tamasha týyndylardy kórip, óz baǵasyn bere alady.

Táttigúl Smaǵulova jazǵy demalys kezinde áskerı qyzmetshilerdiń ba­la­larynyń bos ýaqyttaryn paıda­ly ótkizý maqsatynda lagerler uıymdastyrý josparda turǵanyn aıtyp ótti. Balanyń derbes ómirge beıimdelýine, paıdaly tálim-tárbıe alýyna jáne jańa dostar tabýyna lagerdiń yqpaly orasan zor. Osy maqsatta Qonaev garnızony Almaty tóńireginde, elordalyq garnızon Býrabaıda lager uıymdastyrýdy jos­parlap otyr.

Jalpy, árbir áskerı bólimde qyz­met­­ker­lerdiń balalaryna barlyq jaǵ­daı­dy jasaý úshin úıirmeler ashylǵa­nyn aıta ketý kerek. Odan bólek, bala­lar­ǵa arnalǵan kitaphanalar jumys isteıdi. Al jýyrda jyldaǵy dástúrge saı balalar Qaraǵandy oblysyndaǵy Spassk po­lı­gonynda ótetin «Aıbyn» áskerı pat­rıottyq jıynyna daıyndalyp jatyr. 

Osy oraıda áskerı qyzmetshiler ba­la­larynyń jetistikterin de aıta ketý oryndy. Máselen, Almaty qala­synda ótken «Taıjarys-Talant» halyq­aralyq baıqaýynda abaılyq áskerı qyzmetshiniń qyzy Móldir Meırambaeva bas júldege ıe boldy.

Týǵan jerinde jas talantty Abaı garnızonynyń áskerı qyzmetshileri asa qýanyshpen  qarsy aldy. Móldir bes jasynan án aıtyp júr. О́ner ólkesine qanat basqan ol vokal atalymy boıynsha bas júldeni jeńip aldy. Jas óren saıystan úzdik shyǵatynyna senimdi bolypty.

– Men bul jarysta birinshi oryn alatynyma senimdi boldym. Sebebi ja­rysqa uzaq daıyndaldym. Shyǵarma­shylyq baǵyttaǵy ustazdarym da maǵan qatty kóńil bóldi. Mine, búgin olardyń úmitin aqtadym. О́te qýanyshtymyn, – deıdi jeńimpaz jas. Segizinshi synypta oqıtyn ánshi qyz áskerı qyzmettegi ákesin úlgi tutady. Jarystarǵa barar aldynda odan keńes suraıdy.

– Halyqaralyq baıqaýda Semeıdiń ǵana emes, Qazaqstannyń namysyn qorǵaǵan qyzymyzdy temirjol vokzalynan saltanatty túrde kútip al­dyq. Móldirdiń ákesi de qyzmetinde bel­sendi. Ásirese, jaýyngerlik jáne mem­lekettik quqyqtyq daıyndyq jumys­tar jaǵynan óte zerek. О́nerpazǵa to­la­­ǵaı shyǵarmashylyq tabys­tar ti­leımiz, – deıdi 54770 áskerı bóli­mi­niń ın­jenerlik-saperlik batalon koman­dıriniń tárbıe jáne ıdeolo­gııalyq jumystar jónindegi orynbasary, aǵa leıtenant Baqbergen Býrataev.

Móldir bul jetistigimen shektelmek emes. Ony shilde aıynda Astana qalasynda ótetin taǵy bir joǵary deńgeıdegi án baıqaýy kútip tur. Qarsha­daı qyz áke úmitin aqtaýǵa nıetti.