Oqý-aǵartý mınıstrliginiń baspasóz qyzmeti taratqan aqparatqa sáıkes, Qazaqstanda 6,6 mıllıon bala bar, dep habarlaıdy Egemen.kz.
«Balalar sany turaqty ósý tendensııasyna ıe jáne Qazaqstan halqynyń úshten bir bóligin 6,6 mıllıon bala quraıdy. Jyl saıyn 400 myńnan astam bala dúnıege keletinin aıta ketý kerek», dedi QR Balalar quqyǵyn qorǵaý komıtetiniń tóraıymy Nasymjan Ospanova.
Vedomstvo deregine qaraǵanda, 7 723 mektepte 3 479 000 qazaq balasy oqıdy.
Bul rette Oqý-aǵartý vıse-mınıstri Edil Ospan Qazaqstanda qansha jetim bala bar ekenin qosa aıtty.
«Elimizde 22 080 jetim bala bolsa, onyń ishinde 3 790 bala ınternatta tárbıelenip jatyr. Búginde erekshe bilim alýdy qajet etetin 188 000 balanyń quqyǵyna basa nazar aýdarylady», dedi vıse-mınıstr.