1 maýsym – Halyqaralyq balalardy qorǵaý kúnine oraı elimizdiń barlyq óńirinen kelgen 70-ke jýyq oqýshyǵa «Aqorda» rezıdensııasynda ekskýrsııa uıymdastyryldy, dep habarlaıdy Egemen.kz Prezıdenttiń baspasóz qyzmetine silteme jasap.
«Aqordaǵa» qonaqqa kelgen oqýshylar arasynda halyqaralyq jáne respýblıkalyq olımpıadalardyń jeńimpazdary men oqý úzdikteri bar.
Ekskýrsııa aıasynda oqýshylar rezıdensııanyń birinshi qabatyndaǵy Ortalyq saltanatty holl men resmı qabyldaýlar ótkizýge arnalǵan «Saltanat» zalyn, túrli jıyndar ótetin «Shyǵys», «Mramor», «Altyn» «Doǵal» jáne basqa da kelissózder zaldaryn tamashalady, sondaı-aq kitaphanany da aralap kórdi.
Sondaı-aq oqýshylar elimizdiń bas ǵımaraty týraly qyzyqty derektermen tanysty.