Tótenshe jaǵdaılar mınıstriniń buıryǵymen Nyǵmetjan Qoıshybaıuly Maqajanov zeınet jasyna tolýyna baılanysty Tótenshe jaǵdaılar mınıstrligi О́nerkásiptik qaýipsizdik komıtetiniń tóraǵasy qyzmetinen bosatyldy, dep habarlaıdy Egemen.kz Úkimettiń baspasóz qyzmetine silteme jasap.
Nyǵmetjan Maqajanov 1960 jyly Pavlodar oblysynda dúnıege kelgen.
Pavlodar ındýstrııalyq ınstıtýtyn, T. Rysqulov atyndaǵy Qazaq ekonomıkalyq ýnıversıtetin, ál-Farabı atyndaǵy Qazaq ulttyq ýnıversıtetin bitirgen.
Eńbek jolyn 1982 jyly «Kazgıprokommýnstroı» GPI ınjeneri bolyp bastaǵan.
1989-1996 jj. – Qazaqstannyń LKJO ortalyq komıteti janyndaǵy jastar turǵyn úı keshenderi ujymdary qaýymdastyǵy ortalyǵynyń bólim meńgerýshisi, tóraǵa orynbasary.
1999 jyldan 2001 jylǵa deıin «Kásiporyndardy qaıta qurý jáne joıý jónindegi agenttigi» AAQ-da basshylyq laýazymdarda jumys istedi.
2001-2006 jj. – QR Memlekettik kirister mınıstrligi Dármensiz boryshkerlermen jumys jónindegi komıtet tóraǵasynyń orynbasary, tóraǵasy.
2006-2007 jj. – «KEGOK» AQ vıse-prezıdenti.
2008-2012 jyldary Qazaqstan Respýblıkasy Jer resýrstaryn basqarý agenttigi tóraǵasynyń orynbasary qyzmetin atqardy.
2013-2014 jj. – QR Indýstrııa jáne jańa tehnologııalar mınıstrligi memlekettik energetıkalyq qadaǵalaý men baqylaý komıteti tóraǵasynyń orynbasary.
2014-2017 jj. – QR Investısııalar jáne damý mınıstrligi Kólik komıteti tóraǵasynyń orynbasary
2017-2020 jj. QR Indýstrııa jáne ınfraqurylymdyq damý mınıstrligi Indýstrııalyq damý jáne ónerkásiptik qaýipsizdik komıteti tóraǵasynyń orynbasary bolyp jumys istedi.
2020 jylǵy qarasha aıynan bastap qazirgi ýaqytqa deıin QR Tótenshe jaǵdaılar mınıstrligi О́nerkásiptik qaýipsizdik komıtetiniń tóraǵasy qyzmetin atqardy.