Qazirgi ýaqytta Eýropaǵa eksporttalatyn munaıdyń 80 paıyzy Kaspıı qubyr konsorsıýmy arqyly júzege asyrylady, dep habarlaıdy Egemen.kz Aqordanyń baspasóz qyzmetine silteme jasap.
«Ortaq múddelerge súıene otyryp, biz osy strategııalyq mańyzdy munaı qubyry arqyly uzaq merzimdi jáne turaqty jetkizýdi qamtamasyz etý úshin EO-nyń odan ári qoldaýyna senemiz», dedi Prezıdent.
Sondaı-aq Memleket basshysynyń aıtýynsha, Qazaqstan ázerbaıjandyq áriptesterimen tyǵyz yntymaqtastyqta Transkaspıı baǵytyn da damytyp jatyr. Máselen, bıylǵy jyldyń basynan beri Qazaqstan munaıy Aqtaý-Baký-Tbılısı-Djeıhan baǵyty boıynsha jylyna 1,5 mıllıon tonna kólemmen aıdaldy.
«Orta merzimdi perspektıvada biz Aqtaý-Batýmı baǵytynda munaı eksportyn keńeıtýdi, sondaı-aq Transkaspıı baǵytynyń qubyrlary arqyly aıdaý kólemin ulǵaıtýdy josparlap otyrmyz», dedi Q.Toqaev.
Sonymen qatar Qazaqstan «Drýjba» qubyry arqyly Germanııaǵa munaı jetkize bastady. Osy jyldyń basynan beri 90 myń tonna kóleminde jetkizilim júzege asyryldy.
«Bul kórsetkishti aldaǵy ýaqytta ulǵaıtý múmkindigimen jylyna 1,2 mıllıon tonnaǵa jetkizý múmkindigi bar», dedi el Prezıdenti.