Senat Bıýrosynyń músheleri Memleket basshysynyń tapsyrmasy boıynsha qurylǵan «Bir el – Bir múdde» depýtattyq tobyn tirkeý máselesin qarady, dep habarlaıdy Egemen.kz.
Prezıdent Qazaqstan halqy Assambleıasynyń XXXII sessııasynda «Bir el – Bir múdde» depýtattyq tobyn qurý týraly bastama kótergen bolatyn.
Depýtattyq toptyń qurylý maqsaty qoǵamdyq kelisim men ulttyq birlik salasyndaǵy memlekettik saıasatty zańnamalyq turǵyda qamtamasyz etý.
Toptyń quramynda Parlamenttiń 30 depýtaty bar. Depýtattyq toptyń jetekshisi bolyp Senattyń Áleýmettik-mádenı damý jáne ǵylym jónindegi komıtetiniń tóraǵasy Nurtóre Júsip, Májilis depýtaty Natalıa Dementeva hatshysy bolyp saılandy.