Úndistannyń Premer-mınıstri Narendra Modı eldiń shyǵysynda bolǵan temirjol apatyna kináli adamdar qatań jazalanatynyn málimdedi, dep habarlaıdy Egemen.kz.
Odısha shtatynda jolaýshylar poıyzy men júk poıyzynyń soqtyǵysýy saldarynan 288 adam qaza taýyp, 1000-ǵa jýyq adam jaraqat aldy.
Jergilikti BAQ málimetinshe, jaraly jolaýshylardyń barlyǵy qutqarylyp, aýrýhanaǵa jetkizildi.
Poıyz apaty neden bolǵany áli belgisiz.
Oqıǵa ornyn qalpyna keltirý jumystary bastalyp ketti.
Aıta keıteıik, Úndistanda budan buryn da adam shyǵynyna ákelgen poıyz apattary bolǵan.
1981 j. maýsym: sıklon kezinde poıyzdyń toǵyz vagonynyń jeteýi ózenge qulap, 800-ge jýyq adam qaza tapqan. 1995 j. Delıden 200 km (125 mıl) qashyqtyqta eki poıyz soqtyǵysyp, 350 adam qaza tapqan. 1999 j. Kalkýtta mańynda bolǵan poıyz apaty 285 adamnyń ómirin qıǵan. 2005 j. Andhra-Pradeshtiń ońtústiginde poıyz relsten shyǵyp ketip, 77 adam qaza tapqan. 2016 j. Indor-Patna ekspresiniń 14 vagony Kanpýr qalasynyń mańynda relsten shyǵyp ketkendikten 150-ge jýyq adam qaza taýyp, 150 adam jaraqat alǵan.Memleket basshysy Qasym-Jomart Toqaev qaıǵyly oqıǵaǵa baılanysty Úndistan Premer-mınıstrine kóńil aıtyp, jedelhat joldady.