4 maýsym – Memlekettik rámizder kúni

«Qazaqstan Respýblıkasynyń Memlekettik rámizderi týraly» Konstıtýsııalyq Zań 2007 jyldyń 4 maýsymynda qabyldandy. Osy zańǵa sáıkes jyl saıyn rámizder kúni 4 maýsymda atap ótiledi.

Qazaqstan Respýblıkasynyń rámizderi – tý, eltańba, ánuran.

Árbir rámiz - qasterli qundylyq. Rámizderdergi ár sımvoldyń óz máni bar. Máselen, týda beınelengen qyran erkindikti, kún molshylyq pen baılyqty, kók tús bereke, tynyshtyq birlikti bildiredi. Memlekettik týymyz 1200 nusqanyń ishinen tańdalǵan.

Qazaqstan Respýblıkasy Memlekettik týynyń avtory – Qazaqstannyń eńbek sińirgen óner qaıratkeri Sháken Nııazbekov.

Elimizdiń eltańbasynda ultymyzdyń tarıhy men mádenıeti kórinis tapqan. Qazaqstan Respýblıkasy Memlekettik eltańbasynyń avtorlary – belgili sáýletshiler Jandarbek Málibekov pen Shot-Aman Ýálıhanov.

Asqan sheberlikpen jasalǵan eltańba 293 jobanyń ishinen úzdik dep tanylǵan.

Eltańba avtory Jandarbek Málibekov eltańbanyń fılosofııalyq máni týraly bylaı deıdi: «Bizdiń mórimizde halqy­myz­dyń ata-babalary – saq, ǵun, túrik, qypshaqtan bastaý ala­tyn qansha myń jyldan asa tarıhy men mádenıetin kór­setý­di kózdedim. Osy maqsat mıym­nyń bir túkpirinen oryn alyp, shyqpaı qoıǵanda qazaq­tyń kúndelikti turmysta aıty­latyn «Shańyraǵyń bıik, bosaǵań berik, keregeń keń bolsyn!» degen tilekter sanamda qaı­ta jań­­ǵyrdy».

Avtor eltańbany О́zbekstanda júrgende jasaǵan.

«Eltańba – Otanyma degen saǵynyshymnyń jemisi, shettegi qaradomalaqtyń tereń tarıhy, jo­ǵary mádenıeti, ólmeıtin rý­hy, tárbıe tunǵan salt-dás­túri, baı óneri saqtalǵan egemen eli­niń bar ekenine degen maq­tany­shynyń, osynyń bárin moıyn­da­maǵandarǵa óz kásibimen kórsetki­si kel­gen sáýletshi eńbeginiń nátı­jesi. Buǵan qosa týǵan jerden jyraqta júrgen janǵa táýelsiz memleketiniń irgetasyn qalaýǵa atsalysý, osyndaı tarıhı jolda qoltańbasy men óz izin qaldyrý – eshteńemen almastyrmaıtyn asqaq abyroı, qasıetti qyzmet», deıdi Jandarbek Málibekov «Egemen Qazaqstan» gazetine bergen suhbatynda.

QR Memlekettik ánurany 2006 jyldyń 7 qańtarynda Parlamentte bekitilgen. Sondaı-aq ol alǵash ret tuńǵysh Prezıdentti ulyqtaý rásiminde oryndalǵan.

Zań boıynsha (QR Qazaqstan Respýblıkasynyń memlekettik rámizderi týraly zańynyń 9-bap, 1-tarmaǵy) Memlekettik ánuran shyrqalǵan kezde ony ornynan turyp aıtý jáne oń qolyn júrek tusyna qoıý mindetteledi.

Ánniń avtory - Shámshi Qaldaıaqov, sózin jazǵandar - Jumeken Nájimedenov, Nursultan Nazarbaev.