Onynshy márte uıymdastyrylyp otyrǵan «Áskerı kerneı» festıvali memlekettik rámizder kúnine jáne Astananyń 25 jyldyǵyna arnalyp otyr. Plas-konserttiń maqsaty – eldiń rýhyn kóterý, áskerı mýzykany nasıhattaý jáne óskeleń urpaqty patrıottyqqa tárbıeleý, dep habarlaıdy Egemen.kz.
Mádenı is-sharaǵa QR Ulttyq ulanynyń orkestrleri, Memlekettik kúzet qyzmetiniń Prezıdenttik orkestri, Ulttyq qaýipsizdik komıtetiniń Shekara qyzmeti ansambli, Qorǵanys mınıstrliginiń Ortalyq orkestri jáne Tótenshe jaǵdaılar mınıstrliginiń orkestri, sondaı-aq elimizdiń shyǵarmashylyq ujymdary qatysty.
Plas-konsert barysynda mýzykalyq ujymdar álemdik klassıka men halyq arasyndaǵy rýhty ánderdi oryndaýda joǵary sheberlik kórsetti.
Sondaı-aq festıval barysynda Ulttyq ulannyń áskerı orkestrleri arasynda baıqaý ótti. Onyń qorytyndysy boıynsha Ulttyq ulan Akademııasynyń orkestri (Petropavl q.) úshinshi oryndy ıelendi. Ekinshi oryndy «Ortalyq» (Qaraǵandy q.) jáne «Batys» (Oral q.) óńirlik qolbasshylyqtarynyń jıyntyq orkestrleri ıelendi. Birinshi oryndy «Ońtústik» óńirlik qolbasshylyǵynyń jıyntyq orkestri (Almaty q.) ıelendi. «Áskerı kerneı» konkýrsynyń gran-prıin «Shyǵys» óńirlik qolbasshylyǵynyń jıyntyq orkestri (О́skemen q.) jeńip aldy.
«Ulttyq ulannyń Bas qolbasshylyǵy atynan jáne óz atymnan barlyq áskerı dırıjerler men mýzykanttarǵa konkýrsqa qatysqany úshin alǵysymdy bildiremin. Is-sharany uıymdastyrýda kórsetken qoldaýy úshin Astana qalasynyń ákimine erekshe alǵys aıtamyn. Sonyń nátıjesinde Qazaqstannyń úzdik áskerı orkestrleri elordanyń mádenı alańdarynda ózderiniń mýzykalyq sheberlikterin kórsetti. Barlyq mýzykalyq ujymmúshelerine zor densaýlyq, shyǵarmashylyq tabys tileımin. Jańa bıikterge jete berińizder! Sondaı-aq elimizdiń órkendeýi jolyndaǵy áskerı qyzmetterińizge zor tabys tileımin», dedi Ishki ister mınıstriniń orynbasary – Qazaqstan Respýblıkasy Ulttyq ulanynyń Bas qolbasshysy general-leıtenant Erkin Botaqanov.
Búginde jyl saıyn uıymdastyrylatyn áskerı orkestrler festıvali bas qaladaǵy mańyzdy mádenı is-sharalardyń birine aınaldy. Sondyqtan árkez Astana turǵyndary men qonaqtaryna jarqyn áser qaldyryp keledi. Bul joly da konserttik baǵdarlama áskerı, klassıkalyq, halyqtyq jáne estradalyq mýzyka, defıle sherýi, plas-konsert jáne áskerı qyzmetshilerdiń qarý-jaraqpen kórsetilimderiniń organıkalyq túrde úılesimdiligimen ótti.
Aıta keteıik, Ulttyq ulannyń bastamasymen áskerı orkestrler arasynda festıval ótkizý jaqsy dástúrge aınaldy. Osy ýaqyt ishinde oǵan elimizdiń ǵana emes, Qytaıdyń, Reseıdiń jáne basqa da shet memleketterdiń jetekshi ujymdary qatysqan.