Kaırde Sultan Beıbarys meshitiniń ashylý rásimi ótti. Is-sharaǵa Qazaqstan delegasııasy da qatysty, dep habarlaıdy Egemen.kz.
Memleket basshysy Qasym-Jomart Toqaevtyń tapsyrmasy boıynsha Qazaqstan Parlamenti Senatynyń Tóraǵasy Máýlen Áshimbaev Mysyrda «Sultan Az-Zahır Beıbarys» meshitiniń ashylý rásimine qatysty.
Is-shara dańqty bıleýshiniń 800 jyldyǵyna oraı uıymdastyrylyp otyr. Saltanatty jıyn barysynda Palata Spıkerimen birge Ál-Azhardyń Joǵarǵy ımamy, sheıh Ahmed at-Taıeb, din ókilderi sondaı-aq Qazaqstan men Mysyrdyń memleket jáne qoǵam qaıratkerleri sóz sóıledi.
Qazaqstan ókilderi quramynda Aqparat jáne qoǵamdyq damý mınıstri Darhan Qydyráli de boldy.
Máýlen Áshimbaev óz sózinde Sultan Beıbarystyń esimi jahan tarıhyna dana ári ádil bıleýshi, uly qolbasshy retinde altyn árippen jazylǵanyn atap ótti. Sondaı-aq ol Beıbarystyń 800 jyldyǵy qazaq halqy men mysyrlyqtar úshin máni tereń, mańyzy zor oqıǵa ekenin tilge tıek etti.