Atyraý qalasynda turatyn erli-zaıypty Sladkovtar aýladaǵy baqshasynan kúlgin tústi kirpi taýyp aldy. Áleýmettik jelige júktelgen kirpiniń túsi jurtshylyqtyń qyzyǵýshylyǵyn týdyrdy.
Kirpiniń ózgeshe túsi mamandardy da tańdandyryp otyr. Atyraý qalalyq obaǵa qarsy stansasy epızootologııa jáne asa qaýipti ınfeksııalardyń aldyn alý zerthanasynyń burynǵy meńgerýshisi Fedor Saraevtyń aıtýynsha, buryn kirpiniń mundaı túsi kezdespegen.
– Jańa týǵan kirpiniń basyndaǵy tikeni ǵana aqshyl tústi bolýshy edi. Bastapqyda kirpiniń tikenderi óte jumsaq, jún tárizdi bolatynyn baıqap júrmiz. О́ıtkeni bul – tabıǵattyń qubylysy. Kirpiniń tikenegi anasyna zaqym keltirmeýi qajet. Tikenek ýaqyt óte kele sur túske aınalady. Biraq meniń tájirıbemde kúlgin tústi kirpi kezdesken joq, – deıdi Fedor Saraev.
Erli-zaıyptylar kishkentaı kirpige sý bergen. Shóldegen kirpi sýdy iship alyp, óz jónimen ketip qalǵan.
Atyraý oblysy