Qylmystyń negizgi sebebiniń biri - alkogol. Statıstıka boıynsha mas kúıinde qylmys jasaıtyndardyń kóbi Astana turǵyndary, dep habarlaıdy Egemen.kz.
«Egemen Qazaqstan» gazetinde jarııalanǵan «Astanany alańdatqan 38 másele» maqalasyndaǵy málimetterge sáıkes jalpy eldegi mas kúıde jasalatyn kisi óltirý qylmystarynyń 70%-y Astanada oryn alady eken. Odan bólek, densaýlyqqa aýyr zııan keltirýdiń 2/3 bóligi, árbir ekinshi zorlaý jáne úshinshi buzaqylyq – elordanyń enshisinde. О́tken jyly Astanada mas qylmyskerlerdiń qolynan 18 adam qaza tapqan.