6 maýsymda Fedorovka sý qoımasynda 2004 jyly týǵan jas jigit tyıym salynǵan jerde shomylyp, sýǵa batyp ketti, dep habarlaıdy Egemen.kz.
Oblystyq tótenshe jaǵdaılar departamenti usynǵan derekke sáıkes, oqıǵa týraly marqumnyń dostary habarlaǵan. Qutqarýshy-súńgýirler sýǵa batqan jigittiń denesin jaǵadan 8 metr qashyqtyqta, 3 metr tereńdikten tapty.
«Tyıym salynǵan jerlerde sýǵa túsý ómirge qaýip tóndiredi. Sýdyń betine qarap, tereńdigin anyqtaý múmkin emes. Eger siz júzýge tyıym salatyn belgini kórseńiz, táýekel etpeńiz», dep eskertti vedomstvo ókilderi.