Memleket basshysy Qasym-Jomart Toqaev IýNESKO-nyń Bas dırektory Odre Azýleni qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesý barysynda Qazaqstan men IýNESKO arasyndaǵy mádenı jáne tarıhı muralardy saqtaý, bilim jáne ǵylym salasyndaǵy halyqaralyq baılanystardy keńeıtý isindegi yntymaqtastyqtyń ózekti máseleleri talqylandy.
Prezıdent Qasym-Jomart Toqaev Odre Azýlege iltıpat bildire otyryp, onyń IýNESKO Bas dırektory retindegi kóshbasshylyǵyn joǵary baǵalaıtynyn, sondaı-aq uıymdy odan ári nyǵaıtýǵa baǵyttalǵan qyzmetine qoldaý kórsetetinin atap ótti.
Prezıdent Bas dırektorǵa Qoja Ahmet Iаssaýı kesenesine barǵany úshin alǵysyn aıtty. Sondaı-aq onyń Túrkistanǵa saparyn azamattarymyz oń qabyldaǵanyn jáne buqaralyq aqparat quraldarynda keńinen jarııalanǵanyn aıtty.
«Sizdiń saparyńyz Qazaqstan men IýNESKO arasyndaǵy ózara tıimdi yntymaqtastyqty odan ári damytý úshin asa mańyzdy. IýNESKO biz úshin erekshe uıym ári basymdyqqa ıe. Biz osy ózara qarym-qatynasty odan ári damytý úshin bar kúsh-jigerimizdi jumsaımyz», dedi Prezıdent.
Memleket basshysy klımat, bıoalýantúrlilik jáne sý resýrstary salalaryndaǵy birlesken jobalardy iske asyrýǵa Qazaqstannyń nıetti ekenin jetkizdi.
Jaqyn arada О́ńirlik kópsalaly keńse bolyp qaıta qurylatyn Almaty qalasyndaǵy IýNESKO bıýrosynyń qyzmeti – Qazaqstannyń osy uıymmen tabysty baılanysynyń jarqyn mysaly.
Odre Azýle qazaq jerinde qonaqjaılyq kórsetkeni úshin Qasym-Jomart Toqaevqa alǵys aıtty.
Sondaı-aq ol IýNESKO-nyń búkilálemdik mádenı muralary tizimine engen Túrkistan qalasyndaǵy Qoja Ahmet Iаsaýı kesenesine barǵan kezde alǵan áserin bólisti.
IýNESKO-nyń Bas dırektory Prezıdent Qasym-Jomart Toqaevtyń basshylyǵymen júzege asyrylyp jatqan aýqymdy reformalarǵa, sonyń ishinde azamattyq qoǵamdy nyǵaıtýǵa, bilim jáne mádenıet salasyn damytýǵa qatysty bastamalaryna joǵary baǵa berdi.
«Meniń Qazaqstanǵa jasaǵan saparym Sizdiń elińizdegi mańyzdy strategııalyq kezeńmen tuspa-tus keldi. Siz aýqymdy reforma júrgizip jatyrsyz. Bul iste sizdiń prezıdenttik mandatyńyz sheshýshi ról atqarýǵa tıis», dedi Odre Azýle.