Qazaqstandyq tennısshi Andreı Golýbev ýkraınalyq Denıs Molchanovpen dýette Heılbronn qalasynda (Germanııa) ótip jatqan týrnırde juptyq saıystyń shırek fınaldyq kezdesýinde jeńiske jetti, dep habarlaıdy Egemen.kz Sports.kz saıtyna silteme jasap.
1/4 fınalda Golýbev pen Molchanovqa fransýz Djonatan Eıserık pen meksıkalyq Mıgel Anhel Reıes-Varela qarsy shyqty. Kezdesý eki sette qazaq-ýkraın dýetiniń jeńisimen aıaqtaldy – 6:4, 7:6.
Eske salaıyq, buǵan deıin Andreı Golýbev pen Denıs Molchanov bosnııalyq Damır Djýmhýr men reseılik Pavel Kotovty 7:6, 6:3 esebimen utqan edi.
Haılbronndaǵy týrnırdiń júlde qory 145 000 eýrony quraıdy. Týrnır jeńimpazdary 8 444 eýro jınap, árqaısysy 125 reıtıngtik upaıǵa ıe bolady.