General-polkovnık Rýslan Jaqsylyqov Qarýly kúshter bólimsheleriniń is-qımylyn jáne apat aımaǵynda basqa vedomstvolarmen ózara is-qımyldy uıymdastyryp jatyr, dep habarlaıdy Egemen.kz.
Qorǵanys mınıstri órtten bolǵan jaǵdaıdy zertteý, asa qaýipti aımaqtardy anyqtaý jáne órtke qarsy is-sharalardy odan ári josparlaý maqsatynda órt shalǵan aýmaqtyń ústimen ushyp ótti.
Sondaı-aq tilsiz jaýdy óshirýge «Shyǵys» óńirlik qolbasshylyǵynyń 300-den astam áskerı qyzmetshisi jumyldyrylyp, 30 birlik arnaıy áskerı tehnıka tartylǵan. Áskerı qyzmetshiler bóget salyp, aýmaqty jyrtyp, jalyndy oqshaýlaý sharalaryn qabyldap jatyr. Armııalyq avıasııa ekıpajdary 400 tonnadan astam sý shashty.
Borodýlıha aýdanyna jóneltýge daıyn 500-den astam áskerı qyzmetshi men 30 birlik tehnıka saqadaı saı daıyn tur. Taǵy 200 adamnan turatyn qosymsha rezerv quryldy.
О́rtke qarsy is-sharalarǵa tartylǵan áskerı qyzmetshiler aýysymmen jumys istep jatyr. Olar qajetti qorǵanys quraldarymen qamtamasyz etilgen. Ýaqtyly tamaqtanyp, demalýǵa bar jaǵdaı jasalǵan.
Qarýly kúshterdiń jeke quramy órttiń odan ári taralýyna jol bermeý úshin barlyq sharalardy qoldanyp jatyr.