Memleket basshysy Abaı oblysyna jumys saparymen baryp, órt kezinde kóz jumǵan ormanshylardyń otbasy-jaqyndarymen kezdesti. Kezdesý barysynda erteń, 12 maýsymda Qazaqstanda jalpyulttyq aza tutý kúni jarııalanatyny belgili boldy, dep habarlaıdy Egemen.kz.
«Osy qaıǵyly jaǵdaıǵa kinálilerdiń bári zań boıynsha jaýapqa tartylady. Dúısenbi kúnin elimiz boıynsha Jalpyulttyq aza tutý kúni dep jarııaladym. Biz qaza tapqan azamattardy eske alamyz. Sabyr saqtap, bekem bolyńyzdar. Quqyq qorǵaý organdary men mınıstrlikter tarapynan bolsyn, barlyq sala boıynsha tıisti sharalar qabyldanady. Qazir keńes ótkizemin. Bul jaǵdaıdan mindetti túrde tıisti qorytyndy shyǵaramyz», dedi Qasym-Jomart Toqaev.