Oral qalasynda bes qabatty úıden órt shyqty, dep habarlaıdy Egemen.kz BQO tótenshe jaǵdaılar departamentiniń baspasóz qyzmetine silteme jasap.
Oqıǵa búgin, 11 maýsymda Zachagan kenti Temirtaý kóshesi 19 mekenjaıynda bolǵan.
«Saǵat 11:32-de ekinshi qabattyń balkony janyp, jalyn jatynjaı bólmesine aýysyp, jeke zattar, jıhaz otqa orandy. О́rttiń aýmaǵy 20 sharshy metrdi qamtydy. Páterdiń ıesi – 88 jastaǵy keıýana. Joǵary jáne tómengi qabattardan 18 adam ózderi úıden shyqqan, olardyń úsheýi – bala. Zardap shekkender joq. О́rtti sóndirýge 18 adam men 5 tehnıka jumyldyryldy. Jalyn saǵat 11:51-de oqshaýlanyp, 12:13-te aýyzdyqtaldy», dep habarlady vedomstvo ókilderi.