Quzyrly organdar Abaı oblysyndaǵy alapat órtke qatysty tergeý jumystaryn jalǵastyryp jatyr, dep habarlaıdy Egemen.kz.
Áleýmettik jelide Abaı oblysyndaǵy órtke qatysty beınejazba tarap júr. Vıdeo avtorynyń aıtýynsha, Semeı ormanyndaǵy órt qasaqana qoıylýy múmkin. Polısııa qyzmetkerleri de bul nusqa aıasynda tergeý jumystaryn júrgizip jatyr.
Osy oraıda oblys ákimdigi jelide taraǵan vıdeoǵa qatysty túsinikteme berdi.
«Áleýmettik jeli men messendjerlerde boljamdy órteý áreketteriniń oryndary kórsetilgen beınematerıaldardyń taralýyna baılanysty qalyptasqan jaǵdaıdy túsindirý mańyzdy. Beınejazba avtory órttiń kózi naızaǵaı emes, ádeıi órteý boldy degen boljamǵa toqtaldy. Alaıda vıdeoda kórsetilgen ýchaskelerde jaǵylǵan ot irgeles orman alqaptaryna taralmaǵanyn eskergen jón», delingen ákimdik habarlamasynda.
Qazirgi ýaqytta quzyrly organdar bul másele boıynsha jan-jaqty talqylaý júrgizip jatyr. Tergeý jumystary yqtımal órteýshini jáne aýqymdy órttiń negizgi sebebin anyqtaýǵa baǵyttalǵan.