Abaı oblysyndaǵy «Semeı ormany» memlekettik orman tabıǵı rezervaty» RMM aýmaǵynda órt saldarynan bolǵan toptyq jazataıym oqıǵanyń sebepteri men mán-jaılaryn tergeý úshin QR Premer-mınıstriniń birinshi orynbasary Roman Sklıardyń tóraǵalyǵymen arnaıy Úkimettik komıssııa quryldy, dep habarlaıdy Egemen.kz.
Komıssııa ormandaǵy órttiń shyǵý sebebi men oǵan kinálilerdi anyqtaý maqsatynda egjeı-tegjeıli zertteý júrgizedi. Sondaı-aq keltirilgen shyǵyndardy eseptep, zardap shekkender men kóz jumǵandardyń otbasyna kómek kórsetý sharalaryn uıymdastyrady.
Arnaıy Úkimettik komıssııa jumysty 10 jumys kúni ishinde aıaqtaıdy dep boljanyp otyr. Tergeý nátıjeleri aldaǵy ýaqytta habarlanady.