Abaı oblysynyń orman alqabynda oryn alǵan órt faktisi boıynsha QR QK 292-babynyń 3-bóligi boıynsha sotqa deıingi tergep-tekserý bastaldy, dep habarlaıdy Egemen.kz.
Bas prokýror Berik Asylov Memleket basshysy Qasym-Jomart Toqaevtyń aldynda jasaǵan baıandamasynda Bas prokýrordyń orynbasarynyń basshylyǵymen quqyq qorǵaý jáne arnaýly organdardyń tájirıbeli qyzmetkerlerinen vedomstvoaralyq jedel tergeý toby qurylǵanyn jáne tergeý qorytyndysy boıynsha laýazymdy tulǵalardyń áreketteri men áreketsizdigine quqyqtyq baǵa beriletinin aıtty.
Bas prokýratýra adamdardyń qaza bolýyna jáne qorshaǵan ortaǵa eleýli zııan keltirýge ákep soqqan aýyr zardaptardy nazarǵa ala otyryp, arnaıy prokýror salǵyrttyq faktisi boıynsha qylmystyq isti tirkegenin málimdedi.