Oblys ákimdigi ýákiletti memlekettik organdarmen birlesip, Ýspen orman sharýashylyǵyndaǵy iri órtti sóndirý kezinde «Semeı ormany» memlekettik orman tabıǵı rezervaty» RMM-niń qaza tapqan 14 qyzmetkeriniń, sondaı-aq órtti sóndirýge qatysqan traktorshy Sergeı Arhıpovtyń otbasy músheleriniń tizimin jasady, dep habarlaıdy Egemen.kz Úkimettiń baspasóz qyzmetine silteme jasap.
Memleket basshysy Qasym-Jomart Toqaev júktegen tapsyrmalarǵa sáıkes olarǵa kelesi áleýmettik qoldaý túrleri kórsetilip jatyr:
Semeı qalasynda jıhazben jabdyqtalǵan eki nemese úsh bólmeli (otbasy músheleriniń sanyna qaraı) páterler berildi; qaza tapqandar men olardyń otbasy músheleriniń nesıe qaryzdary óteledi. О́teletin qaryzdardyń jalpy mólsheri 36,2 mln teńgeni quraıdy (15 maýsymdaǵy jaǵdaı boıynsha); «Qazaqstan halqyna» qorynan ár otbasyǵa 7 mln teńgeden jáne kámelettik jasqa tolmaǵan ár balaǵa 2 mln teńgeden materıaldyq kómek. Tólemderdiń jalpy somasy – 127 mln teńge (15 maýsymdaǵy jaǵdaı boıynsha); asyraýshysynan aıyrylǵan otbasy múshelerine memlekettik bıýdjetten aı saıynǵy járdemaqy; Memlekettik áleýmettik saqtandyrý qorynan asyraýshysynan aıyrylý boıynsha 18 jasqa deıingi balalarǵa, JOO-da kúndizgi oqý bóliminde oqysa, oqýdy aıaqtaǵanǵa deıin, biraq 23 jastan aspaıtyn balalarǵa aı saıynǵy áleýmettik tólem; BJZQ-dan jerleý rásimderi úshin birjolǵy járdemaqy; jalpy bilim berý qorynan mektep jasyndaǵy balalarǵa 500 myń teńge mólsherinde materıaldyq kómek, sondaı-aq kerek-jaraqtar (aıaq kıim, forma) men jazǵy lagerge joldama; jumys berýshiniń qarajaty esebinen aı saıynǵy tólemder (jalaqy mólsherine baılanysty); ujymdyq shartqa sáıkes jumys berýshiniń esebinen birjolǵy kómek.Sonymen qatar «Qazaqstan Halyq banki» AQ ár otbasyna 3 mln teńge kóleminde materıaldyq járdem beredi, sondaı-aq basqa da kommersııalyq uıymdar kómek kórsetedi.
Oǵan qosa ákimdik «Aq Ertis» QQ-men birlesip, qaza tapqandardyń otbasy men zardap shekkenderge odan ári kómek kórsetý maqsatynda qaıyrymdylyq pen demeýshiler qarajatyn jınaqtaý úshin arnaıy shot ashty.