Shymkent qalasynyń Qylmystyq ister jónindegi aýdanaralyq soty Qazaqstan Respýblıkasy Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń, onyń aýmaqtyq bólimsheleriniń, veterınarııalyq qyzmettiń, Túrkistan oblysy boıynsha Memlekettik kirister departamentiniń laýazymdy tulǵalaryna jáne «Qut Bereke» sharýa qojalyǵynyń basshysy men ókilderine qatysty úkim shyǵardy, dep habarlaıdy Egemen.kz.
Atalǵan adamdar veterınarııalyq ruqsattar men sertıfıkattar bergeni, maldy memlekettik shekara arqyly kedergisiz ótkizgeni, qyzmettik jalǵandyq jasaǵany, jalǵan qujattardy burmalaǵany jáne paıdalanǵany úshin júıeli negizde para alǵany jáne bergeni úshin kináli dep tanyldy.
Budan basqa, sharýa qojalyǵynyń basshysy men veterınarııalyq qyzmet qyzmetkeri memleket mal sharýashylyǵyn damytýǵa sýbsıdııa bólgen kezde 104 mln teńge somasynda bıýdjet qarajatyn jymqyrǵan.
Sot úkimimen kináli adamdarǵa bas bostandyǵynan aıyrý túrindegi jaza 1 jyl 5 aıdan 7 jyl 6 aıǵa deıin, sondaı-aq 2-den 26 mln teńgege deıin aıyppul taǵaıyndaldy.
Sottalǵandar ómir boıy memlekettik qyzmette qyzmet atqarý quqyǵynan aıyryldy.
Úkim zańdy kúshine engen joq.