Qazaqstandyq sportshy Maǵjan Shamshadın Astanada ótip jatqan Qazaqstan Barysy Grand Slam týrnıriniń chempıony atandy, dep habarlaıdy Egemen.kz.
Maǵjan Shamshadın 60 kelige deıingi salmaqta álemdik reıtıngte 15-orynda turǵan Fransııa ókili Sedrık Revolmen tatamıge shyǵyp baq synasty.
Beldesý óte tartysty ótti. Sebebi negizgi ýaqytta qarsylastar bir-birin jeńe almady. Qosymsha ýaqyttyń ózi 7 jarym mınýttan asty. Aqyry Maǵjan ońtaıly ádis jasap, jeńisti qanjyǵasyna baılady.
Maǵjan Shamshadın sporttyq jolynda iri tabysyna qol jetkizdi.