Maýsymnyń 19-nan 20-syna qaraǵan túni Belfastta fýtboldan 2024 jylǵy Eýropa chempıonatynyń irikteý týrnıri aıasynda Soltústik Irlandııa men Qazaqstan quramalary arasynda match ótedi, dep habarlaıdy Egemen.kz Sports.kz saıtyna silteme jasap.
Soltústik Irlandııa - Qazaqstan matchynyń tikeleı translıasııasyn Qazsport telearnasynan kórýge bolady. Bastalýy Astana ýaqyty boıynsha 00:35-te.
Eýro-2024 irikteý kezeńinde úsh oıyn ótkizgen Qazaqstan quramasynyń qorjynynda alty upaı bar. Magomed Adıevtiń shákirtteri týrnırdegi oıynyn sátsiz bastady, Slovenııadan utyldy (1:2), biraq keıin sensasııalyq túrde Danııa quramasyn (3:2) jeńip, San-Marıno komandasyn da (3:0) jeńdi.
Soltústik Irlandııa quramasyna kelsek, úsh oıynnan keıin úsh upaıy bar. Soltústik ırlandııalyqtar da San-Marınony jeńdi (2:0), biraq Fınlıandııa (0:1) men Danııadan (0:1) utyldy.