El-Nıno - Tynyq muhıtynyń ekvatorıaldy bólimindegi bettik qabatyndaǵy sý temperatýrasynyń terbelisi. Bul qubylystyń klımatqa eleýli áseri bar. Taıaýda ǵalymdar tabıǵı apatqa baılanysty dabyl qaqty. Tórtkúl dúnıege taǵy bir El-Nıno aǵysy qaýip tóndirip tur.
Bul jaıly «Egemen Qazaqstan» gazetiniń tilshisi Abaı Asankeldiuly «Jahandy alańdatqan El-Nıno» atty maqalasynda jazdy.
Maqala avtorynyń jazýynsha, Tynyq muhıtynda bolatyn erekshe qubylys álemniń keı bóliginde sý tasqynyn, basqa jaǵynda qurǵaqshylyqty týdyrýy múmkin.
Ulttyq muhıttyq jáne atmosferalyq qaýymdastyq usynǵan derekterge qaraǵanda, qazirgi tańda El-Nıno aǵysy bastaldy. Sondaı-aq Tynyq muhıtynyń shyǵysyndaǵy ekvatorǵa jaqyn aımaqtaǵy temperatýra shamamen 0,5 gradýsqa jylynǵan.
Aıta keteıik, buǵan deıin de álemniń birqatar elderi El-Nıno saldarynan talaı márte sý tasqynynan, sıklondardan, qurǵaqshylyqtan, orman órtinen zardap shekken.
Eýropalyq odaqtaǵy Kopernık atyndaǵy klımattyń ózgerýi qyzmeti basshysy Karlo Býontempo keıingi jyldary La-Nınanyń salqyndatýshy áserine qaramastan, El-Nınonyń qyzýy artyp ketkenin aıtady. Osynyń saldarynan Tynyq muhıtyn jaǵalaı qonys tepken birqatar memleketke qıyn tımek.
Bul rette maqala avtory Amerıka qurlyǵyndaǵy birneshe el, Japonııa, Aýstralııa men Jańa Zelandııa El-Nıno saldarynan zardap shegýi múmkin ekenin jazdy.