Astanadaǵy Kaspi bank bólimshesin basyp alyp, ishindegi adamdardy kepilde ustaǵan kúdikti qamaýǵa alyndy, dep habarlaıdy Egemen.kz.
«2023 jylǵy 20 maýsymda Astana qalasynyń mamandandyrylǵan aýdanaralyq tergeý soty kúdikti Álıhan Mýradovqa qatysty 2 aı merzimge qamaýǵa alý túrindegi bultartpaý sharasyn sanksııalady», dep habarlady sot.
Jeksenbi kúni Astanada qarýly adam Kaspi fılıalynda adamdardy kepilge alyp, talaptary oryndalmasa óltiremin dep qorqytqan. Oqıǵa ornyna Ishki ister mınıstri, Astana ákimi, Bas prokýrordyń birinshi orynbasary kelgen edi.
Birneshe saǵattan keıin kelissózder nátıjesinde kepilge alynǵandar bosatylyp, er adam ustaldy. Ol 1993 jyly týǵan Jambyl oblysynyń týmasy Álıhan Mýradov bolyp shyqty. Onyń 2013 jyldan beri nashaqorlar esebinde turǵany belgili boldy.