Astana qalasynyń Qylmystyq ister jónindegi mamandandyrylǵan aýdanaralyq soty kóliktik baqylaý salasyndaǵy uıymdasqan qylmystyq topqa qatysty úkim shyǵardy, dep habarlaıdy Egemen.kz ANTIKOR telegram arnasyna silteme jasap.
«Sot úkimimen Astana qalasy boıynsha kóliktik baqylaý ınspeksııasy basshysynyń mindetin atqarýshy Q. Qudaıbergenov jáne onyń sybaılasy B. Shýmbasova 10 jylǵa bas bostandyǵynan aıyryldy. Ekeýi de uıymdasqan qylmystyq topty quryp, basqarǵan, dıagnostıkalyq kartalardy qoldan jasap, tehnıkalyq tekserýden ótý týraly aqparattyq júıege jalǵan aqparat engizdi dep aıyptaldy.
Uıymdasqan qylmystyq toptyń basqa on úsh qatysýshysy 5 jylǵa bas bostandyǵynan aıyryldy, taǵy 4 adamnyń 2 jylǵa bostandyǵy shekteldi», delingen jazbada. Sonymen qatar sot úkimimen basqa laýazymdy tulǵalar para alǵany úshin kináli dep tanyldy. Barlyǵy olar 350 myńǵa jýyq avtokólik quralyn zańsyz tirkegen.